Hen or Egg

There is an old Chinese proverb
which, loosely translated, says,
"There is an old Scottish proverb
which, loosely translated, says..."

Anurra Heed Itra Baw

Ah love ye Boab! wis whit ye sade,
nmeenma workin bunnet tae
wi biler scalins up ma nose
na yerd muck still oanmi.

Ah love ye Boab! That took some sayn,
bit Goad, amanno gled ye spoke,
furrawid nevera goat roonti it
masell, nitwis better oot.

Uv coorse Hen, it's the saicent hurl
oana barra furra baithy us,
so lean against me saft awhile
cause amaw black nblue

faera tackety bootsa time.

Church Parade, RAF Padgate

Oi!  Take your fuckin' 'at off in
The fuckin' ouse of God.

Drumchapel Bus Queue

That's me since yisterday.
Nutta thing done,
weans waashed nur nuthin.

Uch it's him.
Comes stoatin in last night
foosa puggie.
Murawckulus!

Voamits aw nght
owra side i the bed.
Spewins aw owra carpet.

Fun's fun says I,
bit get yir erse
affy the pulla.

Nenna smoarnin.
Heed lik a sterrheed.
Mooth fulla hoarses shite.
Noa good wurd fur anybiddy.
Think it wis ma faut.

See Setturday.
Hate it.